张继聪谢安琪结婚12周年恩爱如昔 

导读:结婚从来都唔系恋爱嘅终点,而系人生新一章嘅开始。由两个人变成一个家,要磨合生活习惯,要接受对方嘅家庭及生活圈子,每一日每一步都系学问。眨下眼张继聪同谢安琪已经结婚...
  结婚从来都唔系恋爱嘅终点,而系人生新一章嘅开始。由两个人变成一个家,要磨合生活习惯,要接受对方嘅家庭及生活圈子,每一日每一步都系学问。眨下眼张继聪同谢安琪已经结婚12年,虽然平时两公婆都系分享仔女可爱生活照居多,但其实佢地都有为对方留下最重要嘅位置,结婚纪念日阿聪仲好识做悉心安排,男士们学嘢啦﹗
  
  再强嘅女人都希望可以有个人爱鍚保护自己,谢安琪喺张继聪面前就可以放心做小鸟伊人啦。
  
  12年嘅结婚周年又名皮革婚,喻意佢地嘅感情已经好似皮革一样咁坚韧,经得起风浪。好多人拍拖结婚耐咗,都会懒得送惊喜。结婚12周年阿聪无买咩名贵珠宝甚至送层楼俾老婆,不过就好有心思咁订制一对水杯,柄就刻有佢同老婆英文名Kay及Louis,永远成双成对。
  
  水杯虽然唔系名贵礼物,但会专诚去订制刻名,呢份心思已经系无价。
  
  张生张太亦难得放低2个小朋友出去撑台脚,Kay难得性感着上黑色吊带低胸裙,同老公头贴头合照。台上一个精致嘅蓝莓芝士蛋糕,碟上写住Happy Anniversary,洋溢幸福温馨感觉。阿聪上载靓相并引用美国作家Mignon McLaughlin金句:「A successful marriage requires falling in love many times ,always with the same person. (一段成功嘅婚姻要不断堕入爱河,而且要系要同一个人)」作为女人又点可能唔冧到晕呢﹗
  
  难得同老公撑台脚二人世界,KAY罕有性感,两个人头贴头真系唔使食蛋糕都甜到漏啦﹗

u时尚网提示:本页面内容及观点仅供传递信息用,不构成任何投资或具体行为建议,本网站对所引用信息的准确性和完整性不作任何保证。

关键词:
分享:
上一篇:李亚萍嫁女 白冰冰开玩笑喊:别退我红包 下一篇:泫雅穿「低胸洋装」与男友泰国度假

热点文章

发表评论